Тоқаев коронавирус жұқтырған Мишустинге тезірек сауығуды тіледі
Көрші ел премьерінің міндетін уақытша үкімет басшысының бірінші орынбасары Андрей Белоусов орындайды
НҰР-СҰЛТАН, 1 мамыр — Sputnik. Президент Қасым-Жомарт Тоқаев Ресейдің премьер-министрі Михаил Мишустинге коронавирус инфекциясынан тезірек сауығуды тіледі.
«Ресей үкіметінің төрағасы Михаил Мишустинге тезірек сауығуды тілеймін. Қазақстан мен Ресей коронавируспен күрес жолында байланыс орнатқан. Бірлескен іс-қимылдың арқасында қиындықтарды еңсеретінімізге сенімдімін», — деп жазды Тоқаев Twitter-дегі парақшасында.
Желаю скорейшего выздоровления Председателю российского правительства Михаилу Мишустину. Казахстан и Россия активно взаимодействуют в борьбе против к/вируса. Уверен, совместными усилиями преодолеем возникшие трудности.
— Qasym-Jomart Toqayev (@TokayevKZ) May 1, 2020
Жуырда Мишустин коронавирус жұқтырғанын айтып, Ресей президенті Владимир Путинге оқшауланатынын жеткізген болатын.
Көрші ел премьерінің міндетін уақытша үкімет басшысының бірінші орынбасары Андрей Белоусов орындайды.
Ресейде 114 431 адамда коронавирус расталған. 1 169 адам көз жұмды.
Ал Қазақстанда вирус жұқтырғандар саны 3 551 адамға жетті, 25 қазақстандық қайтыс болды.
sputniknews.kz
