Тоқаев халықаралық балаларды қорғау күнімен құттықтады

Қасым-Жомарт Тоқаев Қазақстан халқын 1 маусым – Халықаралық балаларды қорғау күнімен құттықтады. Бұл туралы Kznews.kz ақпарат агенттігі хабарлайды.

Президенттің айтуынша, жаздың алғашқы күні өскелең ұрпаққа деген қамқорлықтың жарқын символына айналды. Балалардың жан-жақты дамуы үшін жағдай жасау, жас азаматтардың құқықтарын қорғау және денсаулығын қорғау әрқашан мемлекетіміздің басты басымдығы болып қала бермек. Балалар – Қазақстанның болашағы, сондықтан еліміздегі әр бала сүйіспеншілік пен қамқорлыққа бөленіп, үлкендердің қолдауын сезініп, болашағына сенімді болуы маңызды дейді.

«Әділетті Қазақстанның басты қағидаттарын өмірге әкелетін, «Адал азамат» тұжырымдамасының шынайы бейнесіне айналуы үшін біз жас ұрпақтың санасына ұлттық құндылықтарымызды сіңіруіміз керек. Олардың бойында еңбекқорлық пен білімге құштарлықты, туған жердің тарихы мен мәдениетін құрметтеуге тәрбиелеуге міндеттіміз

Еліміздің барлық балалары өз отбасылары мен достарын оқудағы, шығармашылық пен спорттағы жетістіктерімен, игі істерімен және шығармашылық ынтасымен қуантсын! Жас азаматтарымызға және барша отандастарымызға денсаулық, амандық және жаңа жетістіктер тілеймін!”, –деді Тоқаев.