Тоқаев балаларға жасалған зорлық-зомбылық үшін жазаны күшейтетін заңға қол қойды

Қазақстан президенті балаларға жасалған зорлық-зомбылық әрекеттеріне қатысты жазаны күшейтетін өзгертулерді заңға енгізіп, бекітті, деп хабарлайды Ақорданың баспасөз қызметіне сілтеме жасап Stan.kz.

«Мемлекет басшысы «Қазақстан Республикасының кейбір заңнамалық актілеріне баланың құқықтарын қорғау жөніндегі функцияларды жүзеге асыратын ұйымдардың қызметімен байланысты мәселелер бойынша өзгерістер мен толықтырулар енгізу туралы» Қазақстан Республикасының заңына қол қойды», — делінеді хабарламада.

Заңның мәтіні баспасөзде жарияланады.

Еске сала кетсек, бұған дейін мәжіліс депутаты Светлана Бычкова балаларға жасалған зорлық-зомбылық әрекеті туралы құқық қорғау органдарына жеткізбеген педагог, медициналық және әлеуметтік жұмыскерлерге салынатын айыппұл санкциясы түріндегі жаңа шара туралы мәлімдеген еді.

stan.kz