Тоқаев 2020 жылға арналған нақтыланған бюджет туралы жарлыққа қол қойды — Қазақстан жаңалықтары

Президент Қасым-Жомарт Тоқаев «2020 жылға арналған республикалық бюджетке өзгертулер енгізу туралы» 2020 жылғы 8 сәуірдегі № 299 жарлыққа қол қойды, деп хабарлайды Stan.kz ақпарат агенттігі.

Әлемдік экономикадағы ағымдағы жағдайды, тауар нарықтарындағы баға конъюнктурасын, сондай-ақ әлемдегі коронавирус пандемиясын ескере отырып, макроэкономикалық көрсеткіштердің болжамы жаңартылды

Бұл болжам және әлеуметтік-экономикалық тұрақтылықты қамтамасыз ету шараларын іске асыру қажеттілігі 2020 жылғы республикалық бюджеттің параметрлерін нақтылауға негіз болды.

Бұған дейін Қазақстанда бюджетті нақтылау аясында АЕК және ең төменгі зейнетақы мөлшері көбейтілетіні туралы хабарланған болатын.