Тимур Құлыбаев Ұлттық олимпиада комитетінің президенті болып қайта сайланды

Тимур Құлыбаев Ұлттық Олимпиада комитетінің президенті болып қайта сайланды. Бұл туралы  Kznews.kz Stan.kz ақпарат агенттіне сілтеме жасап хабарлайды.

Комитет президентін сайлау ҰОК Бас ассамблеясының соңғы отырысы барысында өтті. Тимур Құлыбаев бұл қызметті 2015 жылдан бері атқарып келеді.

Бұған дейін Тимур Құлыбаев «Олимпизм 365» Халықаралық Олимпиада комитеті комиссиясының мүшесі болып қайта тағайындалған болатын.

Олимпизм 365 комиссиясы бұрын Қоғаммен байланыс және спорт арқылы әлеуметтік даму жөніндегі комиссия деп аталған және Құлыбаев 2017 жылдан бері оның мүшесі. 2022 жылы Халықаралық Олимпиада комитеті комиссиясы президенті Томас Бах оны Олимпизм 365 комиссиясы ретінде қайта құрды.

Сондай-ақ биыл Тимур Құлыбаев Азия Олимпиадалық кеңесінің 2023-2026 жылдар аралығындағы вице-президенті болып қайта сайланды. Сонымен қатар, ол Ұлттық олимпиадалық комитеттер қауымдастығының (ҰОК) Атқару комитетінің мүшесі.

фото: ғаламтордан