Тимур Құлыбаев мемлекетке газ компаниясындағы үлесін берді
Қазақстандық олигарх, тұңғыш президенттің күйеу баласы Тимур Құлыбаев мемлекетке «Сұйытылған мұнай газын сақтау паркі» ЖШС 50% үлесін берді, деп хабарлайды Ulysmedia.kz.
“Соттар заңсыз сатылған мемлекеттік мүлікті қайтару жөніндегі ондаған талаптарды қанағаттандырды. Олардың ішінде өндірістік нысандар, базарлар, коммерциялық үй-жайлар, элиталық учаскелер және т.б. бар. Мәселен, сот шешімі бойынша АМӨЗ меншігіне Атырау қаласындағы Сұйытылған мұнай газды сақтау паркінің 50% үлесі қайтарылды”, – делінген Бас прокуратура хабарламасында.
Екі жыл бұрын кәсіпорын құрылтайшылары Тимур Құлыбаев пен Раушан Сағдиева болып табылатын «Joint Technologies» компаниясына аукцион арқылы сатылған.
Айта кетейік, бұдан бұрын Дариға Назарбаевамен байланыстырылатын қонақ үй иелерінен 1,3 млрд теңге өндірілгенін хабарлағанбыз.
