Тәтішевтің өлімі: Прокурор Әблязовті өмір бойына бас бостандығынан айыруды сұрады — новости Казахстана

Мемлекеттік айыптаушы Ержан Тәтішевтің өліміне қатысты айыпталып жатқан Мұхтар Әблязовті өмір бойына бас бостандығынан айыруды сұрады деп хабарлайды сот залынан NUR.KZ тілшісі.

Фото: medium.com, ca-voice.info/ Коллаж: NUR.KZ

Бүгін Тараз қалалық сотында тараптардың жарыссөздері өтуде.

Онда прокурор іс материалдарын оқып, Мұхтар Әблязовтің бір топ адамның алдын ала сөз байласумен Тәтішевті қасақана өлтіруді ұйымдастырғанын, оның себебі Тұран Әлем банкін бөлу және бақылау үшін туындаған дау нәтижесіндегі Әблязовтің теріс көзқарасы себеп болғанын айтты.

Сондай-ақ прокурор бұл істі жеңілдететін мән-жайлардың жоқ екенін, ал істі ауырлататыны Әблязовтің мемлекеттік заңға қайшы аса ауыр қылмыс жасауда көрсеткен белсенділігі екенін жеткізді.