Ташкентте Гульнар Каримова ұсталды

Өзбекстанның тұңғыш президентінің үлкен қызы Гульнар Ташкентте ұсталып, қамауға алынды, деп хабарлайды Zakon.kz.

Ол жазасын өтеу шарттарын бұзғаны үшін енді бостандығын шектеу жазасын жалпы тәртіптегі колонияда өтейтін болады.

2017 жылдың желтоқсанында Гульнар Каримова 10 жылға бас бостандығынан айырылған болатын, бірақ жарты жылдан кейін сот жазасын бес жылға өзгертті. Оның үйінен шығуына, сондай-ақ байланыс құралдарын пайдалануына тыйым салынған. Бірақ бірнеше айдан кейін Гульнар приставтардың бұл талабын бұза бастаған. 2018 жылдың қазан айында «Радио Озодлик» хабарлағандай, Каримова елден шығып, Дубайда болып қайтқан.

Гульнар Каримоваға салық төлеуден жалтару, ақша жымқыру, бопсалау, офшорлық компаниялардың құжаттарын жою айыптары тағылған. Содан кейін алаяқтық, шетел валютасын жасыру, кедендік заңдарды бұзу, сауда-саттық пен қызмет көрсету ережесін бұзу, жалған құжат жасау, қылмыстық жолмен келген табысты заңдастыру сияқты жаңа айыптар тағылған болатын.

Telegram арнасындағы маңызды жаңалықтар «zakon.kz». Жазылу!