Тараздықтар халық қаһар­маны Ғазиз Байтасовты еске алды

0
149

Қала орталығындағы «Желтоқсан» скверінің маңындағы Халық Қаһар­маны Ғазиз Байтасовтың бюсті маң­ы­на Жамбыл облыстық полиция деп­ар­та­­мен­тінің қызметкерлері және ба­тыр­дың туыстары жиналып, еске алу шарасын өткізді. Жиында департамент бастығы, полиция полковнигі Арман Оразалиев сөз алып, ерліктің ешқашан ұмытылмайтынын, сын сағат­та қаза тапқан азаматтардың есімі әрдайым халық жадында екенін айт­ты. «Біз тәуелсіз Отанымызға адал қыз­мет еткен ержүрек жігіттерімізді жо­ғалттық. Лаңкес қолынан қаза тапқан жамбылдық полицейлер Ғазиз Байтасов, Полат Аянқұлов, Жақсыбек Байсейітов қиын сәтте халық мүддесін бәрінен жоғары қоятын нағыз батыл, отансүйгіш азаматтар еді. Олардың ерлігі – Отан алдындағы қызмет ету­дің на­ғыз үлгісі», деді ол.

Сонымен қатар Халық Қаһар­манын еске алу шарасында облыстық мектеп олимпиадаларын және мектептен тыс іс-шараларды өткізетін орталықтың жас­өспірімдерден құ­ралған «Полиция ака­демиясының» мүшелері ант қабыл­да­ды. Өз кезегінде полиция капитаны Ғаз­из Байтасовтың жары Гүлмира Тәжиева «Әрдайым Ғазизды елі ұмыт­пай еске алып, ерлігіне тағзым етуде. Ұл­дары өсіп келе жатыр. Үлкен ұлы әке жол­ын жалғастырып, жоғары оқу ор­нында заң факультетінде оқып жүр. Бола­шағымыз қашанда жарқын болсын», дей келе батыр ұлдың рухына тағ­зым еткен көпшілікке алғысын білдірді.

Қапияда қаза тапқан бейбіт күннің батырлары рухына арнап Арман Ор­а­за­­ли­ев бас­таған жамбылдық полицейлер Ғазиз Байтасовтың бюстіне гүл шоқ­тарын қойды. Ерлік елдікпен бірге мәңгі жасай беретінін еске салды.

Хамит ЕСАМАН,

«Егемен Қазақстан»

Жамбыл облысы