Танымал боксшы Хосе Наполес қайтыс болды

Өзінің титулын қорғау бойынша 40 жыл бойы рекорд сақтап келген спортшы өз үйінде көз жұмды

НҰР-СҰЛТАН, 17 тамыз — Sputnik. Жартылай орта салмақтағы екі дүркін әлем чемпионы, Куба тумасы, Мексика азаматы Хосе Наполес 79 жасында қайтыс болды. Спортшы өзінің Мехикодағы үйінде көз жұмды, деп хабарлайды Independent.

Боксшының бірінші титулдық жекпе-жегінен бері елу жыл өткен. Ал оған дейін Наполес кәсіпқой рингте 64 кездесу өткізген. Өзінің карьерасын 81-7 рекордымен аяқтады, қарсыласын 54 кездесуде нокаутпен жеңді.

БАҚ спортшының жұмсақ техникасына байланысты Mantequilla (май) деп атаған. The Ring журналы жыл боксшысы деп таныған (1969).

Тағы оқыңыз: Қазақстан чемпионы адам өлтірді деген күдікпен ұсталды

1990 жылы есімі дүниежүзілік бокс даңқы залына енгізілді.