Талғарда болған атыста жасөспірім жігіт көз жұмды
Талғардағы төбелес салдарынан кәмелетке толмаған бала қаза тапты, деп хабарлайды Алматы облысы полиция департаментінің баспасөз қызметі.
Бұған дейін әлеуметтік желілерде Талғардағы дүкен маңында атыс туралы ақпарат пайда болған. Аймақ полиция департаментінің мәліметі бойынша, 4 қазанға қараған түні жастар арасында жанжал болып, төбелеске ұласқан.
Полицияның хабарлауынша, зардап шеккендердің екеуі аудандық ауруханаға жеткізілді, олардың бірі реанимацияда қайтыс болды. ПД-дағы атыс туралы ақпарат түсіндірілмеген.
«Кісі өлтіру фактісі бойынша полиция қылмыстық іс қозғады. Оқиғаға қатысушылардың барлығы ұсталып, уақытша ұстау изоляторына қамалды», — деп хабарлады өңірдің ПД.
Іс бойынша тергеу Алматы облысы полиция басшылығының ерекше бақылауында.
