Судья мен прокурордан бас тартқан журналист Глушкованың шағымын сот қанағаттырмады

Нұр-Сұлтан қалалық мамандандырылған әкімшілік сотында «Настоящее время» арнасының журналисі Светлана Глушкова судья Әсия Досжановаға сенімсіздік білдірген арызын әкімшілік сот төрағасы Уәлихан Рахматуллаев қанағаттандырған жоқ.

Мұнан соң журналист Глушкова прокурор Байғазиевтен бас тарту туралы шағым түсірді. Арызды тыңдаған судья Рахматуллаев шешім қабылдау үшін үзіліске шықты да, келген соң журналистің бұл өтініші де қанағаттандырылмайтынын айтты.

Журналистің адвокаты Бауыржан Азанов хаттамалармен танысу үшін үзіліс сұрады. Қазір сот жалғасып жатыр.

Жәбірленушінің адвокаты Ержан Нұрпейісовтің айтуынша, кәмелетке толмаған шағымданушы бүгінгі сот отырысына сырқаттанып қалуына байланысты келмеген.

Жаңалық толықтырылады.

Ұрып-соғу бабымен үстінен іс қозғалған журналист Глушкованың соты кеше, 1 сәуірде басталған. Судья Досжанова Глушкованың үстінен шағым түсірген жәбірленушінің «кәмелет жасына толмағанын» айтып, сот залында отырған БАҚ құралдарын шығарып жіберген. Мұнан соң Глушкова судьяға сенімсіздік білдіріп, бас тартқан.

Жәбірленушінің адвокаты Ержан Нұрпейісовтің айтуынша, кәмелетке толмаған шағымданушы бүгінгі сот отырысына сырқаттанып қалуына байланысты келмеген.

Кеше, 1 сәуірде сот ғимараты алдында ондаған белсенді журналист Светлана Глушкованы қолдап келген. Олар «Светланаға бостандық!», «Светланадан қолыңды тарт!» деп айқайлаған.

Азаттық тілшісінің айтуынша, сыртта полиция мен байланыстан ажыратқыш құрылғысы бар көлік тұр. Бүгін, 2 сәуірде құқық қорғаушы Бақытжан Төреғожина Глушкова сотына бармақ болған төрт белсендіні полицияның ұстаған жазды.

«Настоящее время» (Азаттық пен «Америка дауысы» радиоларының бірлескен жобасы) журналисі Светлана Глушкованы мұның алдында да полиция қамап, соңынан босатқан. Биылғы 22 наурызда Нұр-Сұлтан және Алматы қаласында полиция адамдарды ұстаған кезде Азаттық радиосы мен «Настоящее время» тілшілеріне белгісіз адамдар кедергі жасап, Светлана Глушкованы полицейлер қамаған.

Оқи отырыңыз: Наурыз мерекесі адамдарды ұстаумен басталды. Арасындатілші де бар

«Азат Еуропа/Азаттық радиосы» медиакорпорациясы президенті міндетін атқарушы Дэйзи Синделар бұл оқиғаны «тәуелсіз журналистерге қысым және саяси оқиғалардан хабар таратуға тырысқан ақпарат құралдарын бақылауда ұстау әрекеті» деп атаған.