“Старшак” 30 жасөспірімнің көзінше 15 жасар баланы өлтірген

Қайғылы оқиға Қызылорда облысының Кеңес ауылында орын алып, жасөспірімді бір топ жастардың көзінше өлтірген.

«Қызылорда облысының Кеңес кентінде «старшак» 30 жасөспірімді жинап, барлығының алдында 15 жасар баланы өлтірген. Жергілікті тұрғындар ауылда жастар арасында ерекше криминогендік тәртіп орнатылғанын айтуда. Барлығы не болып жатқанын білді, бірақ үндемеді», — делінген хабарламада.

Полицияда ақпарат расталды.

«Осы факт бойынша 22 маусымда Қызылорда облысы полиция департаментінің Жаңақорған аудандық полиция бөлімімен қылмыстық іс тіркелді, жан — жақты толық тергеу жүргізілді», — деп түсіндірді Қызылорда облысы ПД.

Тергеу нәтижелері бойынша қылмыстық іс сотқа жіберілді.

Фото: pixabay