Сот Қуандық Бишімбаевтан материалдық және моральдық шығынды өндірді

Бұған дейін марқұм Нүкенованың ағасы Айтбек Амангелді сотталған экс-министрді моральдық және материалдық залалды өндіріп алу үшін сотқа берген болатын.

«Парасаттылық пен әділдік қағидаттарына сүйене отырып, жақын туысының қайтыс болуы талапкердің моральдық жағдайына кері әсерін тигізгенін, оның жеке мүліктік емес құқықтарын бұзғанын ескере отырып, сот талапты ішінара қанағаттандырды», — деп хабарлады Астана сотының баспасөз қызметі.

Жауапкерден өндіріп алынды:

— іс бойынша жұмсалған шығыстар 6 877 672 теңге мөлшерінде
— 10 миллион теңге сомасында моральдық зиянды өтеу.

Сот шешімі заңды күшіне енген жоқ.

фото: ашықдереккөз