Сот Қайрат Сатыбалдының бұрынғы әйелі Гүлмира Сатыбалдыға қатысты жаңа шешім шығарды
Апелляциялық процесс Гүлмира Сатыбалдының адвокаттарының шағымын қарады. Олар оны ақтауды немесе бас бостандығынан айыруды қамтымайтын жаза тағайындауды сұраған. Үкімге өзгерістер енгізілді, — деп жазады Stan.kz.
Алайда бұл өзгерістер Гүлмира Сатыбалдыға әсер еткен жоқ. Апелляция Қызылорда қаласының құрылыс бөлімінің бұрынғы басшысы және бас маманы Тұрсын Байменов пен Ғалымжан Жаңаділовке 441 миллион теңге жымқыру бойынша сотталғандарға қосымша жаза белгіледі. Екеуіне де өмір бойы мемлекеттік және квазимемлекеттік құрылымдарда белгілі бір лауазымдарды атқаруға тыйым салынды.
“Гүлмира Сатыбалды туралы айтатын болсақ, алқа өзінің алғашқы үкімін күшінде қалдырды. Ол колонияда 8 жыл айыбын өтеуі тиіс”, – делінген ақпаратта.
