Соның кесірі, жаным әлі жаралы: Бойжеткен Төреғали Төреәліге ән арнады  — Қазақстан жаңалықтары

Бота Хамит есімді жас әнші қыз Төреғали Төреәліге ән арнады. Көпшілік жас қыздың қабылдай алмай жатыр. 

«Төреғали Төреәлі» деп аталатын жаңа әнде Төреғалиге деген махаббат баяндалады. Алайда мұның шынайы сезімнен, әлде әзіл-қалжыңнан туғаны белгісіз. Себебі, ән мәтінінде «ағайын, қатемді кешіріңдер» деген сөйлем бар. 

Үнемі басы даудан арылмайтын Төреғалидің бір жыл бұрын өзінен үлкен кісіні балағаттап, елдің ашуын тудырғаны белгілі. Осыдан соң әнші «Қатемді кешіріңдер» атты концертін өткізді. Көп алдында кешірім сұрады. 

Ал, жас әнші Бота Хамиттің бұл әнін көпшілік қабылдай алмай жатыр. Бірі мұны пиар үшін жаздырған десе, бірі әзіл ән деп қабылдады. 

Әннің сөзін Рамазан Амантай, әнін Нұржігіт Өмірхан жазған.

«Өзін танытудың жолы ғой», «Осындай да ән болады екен», «Төрештің басы бос емес қой, ән арнағаны несі», — дейді желідегілер. 

Қазақстандық жұлдыздардың өмірі жайлы t.me/kzshow арнамыздан оқыңыздар.