Солтүстік Қазақстан облысында 4 адам ыстан уланып өлді

Солтүстік Қазақстан облысында төрт адам, оның ішінде бір отбасындағы үш жан ыс тиіп қайтыс болды, тағы үш адам зардап шекті. Ішкі істер министрлігі төтенше жағдайлар комитетінің хабарлауынша, қайғылы оқиға 21 желтоқсан күні таңертең Ғабит Мүсірепов ауданының Буденное ауылында жеке үйде болған.

Комитеттің баспасөз хатшысы Нұрсұлтан Нұрахметовтің хабарлауына қарағанда, алдын ала мәлімет бойынша қайғылы оқиға пеште от дұрыс жанбағаннан болған. Зардап шеккендер ауруханаға түскен.