Сочиде «Әзірет Сұлтан» музейінің көрмесі ашылды

0
102
23 Қараша 2018, 21:34 39 0

Астана, BAQ.KZ. Ресей Федерациясының Сочи қаласында «SIFT / Сочи – 2018» халықаралық туристік форумы аясында ҚР Мәдениет және спорт министрлігінің қолдауымен «Әзірет Сұлтан» мемлекеттік тарихи-мәдени қорық-музейінің көрмесі ашылды. Бұл туралы Мәдениет және спорт министрлігінің баспасөз қызметі мәлімдеді.

Қожа Ахмет Ясауидің мұралары мен Түркістан өңірінде орналасқан киелі жерлерді насихаттауға арналған көрменің лентасын Сочи қаласының мэрі – А.Н.Пахомов, Краснодар өлкесінің курорттар, туризм және олимпиадалық мұра министрі, Х.А.Константиниди және Краснодар өлкесі бойынша Ресей Федерациясындағы Қазақстан Республикасының Құрметті Консулы- В.В. Мохначев кесті.

Туристер үшін кесененің әр жылдардағы бейнелері мен Түркістанның көріністері, тайқазан, шырағдан суреттері, Қожа Ахмет Ясауи мен тайқазанның макеттері таныстырылса, Ясауи кесенесі мен Қылует жерасты мешіті, Шығыс моншасы, Гаухар ана, Укаша ата кесенесі мен құдығы, Сауран қалашығы сынды тарихи орындардың 3D тур нұсқасы Елбасымыздың цифрландыру жүйесі негізінде дайындалып, халықаралық көрмеде көзілдірік арқылы көрсетілді.

Сонымен қатар, қорық-музейдің тарихи орындары мен музей хақында үш тілде жарық көрген буклет кітапшалары мен жәдігерлердің каталог кітаптары да көрме экспозициясынан орын алды.

Сонымен қатар, отандық туристік орталықтар «Қазақстанға саяхат жаса» жарнамалық ұранымен түрлі мәдени бағдарлама ұсынып, еліміздің көрікті жерлерімен бірге қазақтың салт-дәстүр, әдет-ғұрпы және төл өнерімен таныстыруда. Қазақстаннан барған делегаттардың «Қара жорға» биіне тәнті болған ресейлікт асық ату ұлттық ойынына да белсене кірісті. Сондай-ақ, қазақтың ұлттық тағамдарын насихаттап жатқан делегаттар құрт істеу тәсілдерін көрсетті.


















Біздің Telegram-парақшамызда Қазақстанның маңызды жаңалықтары. Жазылыңыздар!


Дереккөз: BAQ.KZ