Сирия президенті гуманитарлық көмек үшін Тоқаевқа алғыс білдірді

Сирия президенті Башар әл-Асад гуманитарлық көмек көрсеткені үшін Тоқаевқа алғысын білдірді.

Тоқаевтың атына Сирия президенті Башар әл-Асадтың жеделхаты келіп түсті, онда ол 2023 жылғы ақпандағы жойқын жер сілкінісінен зардап шеккен Сирия халқына көрсеткен гуманитарлық көмегі үшін алғыс білдіреді.

«Сирия халқы жоғары адамгершілік қасиеттерін көрсеткен және оны қиын жағдайда қолдауға бастама көтерген Қазақстанның ұстанымын жоғары бағалайды», – делінген жеделхатта.

Фото: РИА Новости / Алексей Дружинин