Шымкентте фастфуд дайындайтын дүңгіршек өртенді

0
154

Зардап шеккендер мен қайтыс болғандар жоқ.

Шымкентте жылдам тамақ дайындайтын дүңгіршектен өрт шығып, маңындағы нысандарға қауіп туғызған, деп хабарлайды ҚазАқпарат тілшісі.

Қалалық ТЖД баспасөз қызметінің мәліметінше, бүгін күндізгі сағат 11:30 шамасында Рысқұлов көшесі бойындағы дүңгіршіктен өрт шыққаны туралы хабарлама түскен.

«Темір дүңгіршектің ішінде попкорн, гриль дайындайтын аппарат жанған. Өртті сөндіруге жеке құрамның 27 адамы мен 5 техника жұмылдырылды. Жалын сағат 11:54-те толық сөндірілді. 50 литрлік газ және оттегі баллоны қауіпсіз жерге шығарылды. Зардап шеккендер мен қайтыс болғандар жоқ. Өрттің шығу себептері анықталуда. Өрттің көлемі 6 шаршы метрді құрады» делінген хабарламада.

Telegram арнасындағы маңызды жаңалықтар «zakon.kz». Жазылу!

Дереккөз: https://kaz.zakon.kz/