Шымкентте автобуста қайтыс болған зейнеткердің туысқандарына іздеу салынды

0
125

Шымкентте автобуста қайтыс болған зейнеткердің туысқандарына іздеу салынды. Бұл туралы Eltar.kz басылымына сілтеме жасап, Stan.kz ақпараттық агенттігі хабарлайды.

Қоғамдық көлікте зейнеткердің денсаулығы нашарлап кетті. Ол есінен танып қалды. Жедел жәрдем сегіз минуттан кейін келсе де, дәрігерлер оны құтқарып үлгермеді. Тек өлімнің уақытын белгілей алды.

Үлкен жастағы әйелдің жанында жақыны, құжаттары мен телефоны болған жоқ. Қайтыс болған жолаушының денесі полицейлерге берілді.

Әзірге ешкім туысқанын іздеп келмеді. Қазіргі уақытта өлімнің себебі анықталып жатыр. Сондай-ақ, біз туысқандары мен жақындарын іздеудеміз, — деді полиция қызметкерлері.

Источник: Stan.kz