Шымкент тұрғынының карантиннен қашып бара жатқанын куәгерлер көріп қалды

Екінші қабатта тұратын әйел су ағатын құбыр арқылы шыққан. Болған жағдайды куігерлер көрді. Әйелді такси күтіп тұрған

НҰР-СҰЛТАН, 6 сәуір — Sputnik. Полицейлер мен әскерилер карантиннен қашқан Шымкент тұрғынын ұстады. Ол екінші қабаттан су ағатын құбыр арқылы түскен.

Куәгердің айтуынша, әйелді такси күтіп тұрған, деп хабарлайды Eliter.kz.

«Әйел үйден үш метр де асқан жоқ. Полицейлер мен әскерилердің жедел әрекет етуінің арқасында ұсталды. Күтіп отырған таксидегі ер адам оған көмектеспек болды. Соңында полиция екеуін де әйел қашпақ болған пәтерге апарды», — деді куәгер.

Тағы оқыңыз: Карантинге жабылған үйде қалып қойған ақтаулық үндеу жасады — видео

Үйдің маңында кезекшілік атқарған полицейлер мен әскерилер болған жағдайға байланысты еш нәрсе айтпады. Бірақ жоққа шығармады.