Шымкент қаласында қайтыс болған науқасқа қатысты деректер жарияланды

0
16

Қаладағы жұқпалы аурулар ауруханасының реанимациялық бөліміне жатқызылған науқастың бойында бірнеше ілеспе аурулары болған

НҰР-СҰЛТАН, 24 сәуір – Sputnik. Шымкент қаласының денсаулық сақтау басқармасы коронавирус індетінен көз жұмған науқасқа қатысты деректерді жария етті, деп хабарлайды Sputnik Қазақстан тілшісі.

Еске сала кетсек, бұл Шымкент қаласы бойынша коронавирус індеті салдарынан жан тапсырған төртінші адам. Ал республика бойынша қайтыс болғандардың саны 22-ге жетті.

Оқи отырыңыз: Шымкентте коронавирустан бір адам көз жұмды

Марқұм Шымкент қаласы Абай ауданының тұрғыны, 1968 жылы туған азамат. Ол 20 сәуір күні қаладағы жұқпалы аурулар ауруханасының реанимациялық бөліміне жатқызылды. Ауруханаға түскен кездегі ауыр жағдайына байланысты науқас жасанды тыныс алу аппаратына қосылды.

Науқаста дилатациялық кардиомиопатия, жүрекше фибрилляциясы, артериялық гипертензия, созылмалы жүрек жетіспеушілігі, қант диабеті сияқты ілеспе аурулары болды.

«Науқасқа барлық қажетті емдеу шаралары тиісті деңгейде жүргізілді. Бірнеше рет республикалық мамандармен кеңес өткізілді. Қолға алынған реанимациялық іс-шараларға қарамастан, 23 сәуір күні сағат 20:30-да науқас қайтыс болды», – делінген баспасөз хабарламасында.

Қазіргі кезде науқаспен байланыста болған барлық азаматтар оқшауланып, карантинге алынды.



sputniknews.kz