Шымкент – Алматы пойызында жолсерік толғағы келген әйелді босандырып алды
Әйелді босандырып алған жолсерік пен пойыз басшысы алғыс жарияланады
ААСТАНА, 15 қаңтар — Sputnik. Дүйсенбі 14 қаңтар күні Шымкент – Алматы бағдарлы пойызда жас әйел босанды, деп хабарлайды «Жолаушылар тасымалы» АҚ баспасөз қызметі.
Айгүл Жүзбаева жүктіліктің тоғызыншы айында пойызбен Алматыға жол тартыпты, көп ұзамай жас әйелдің толғағы басталған. Вагонның жолсерігі Дәурен Байменов пен пойыз бригадасының басқа қызметкерлері қажетті көмек көрсетіп, жолаушыны босандырып алды. Айгүл қыз баланы өмірге әкелді.
Таразда жас ананы сәбиімен бірге перзентханаға жеткізген. Анасы мен қызының жағдайы жақсы. Әйел босануға көмектескен пойыз қызметкерлеріне зор алғысын білдіреді.
«Жолаушылар тасымалы» АҚ «Оңтүстік» филиалының директоры Асқар Шүкірбеков атап өткендей, пойыз басшысы Нұрманәлі Нұрманбет пен жолсерік Дәурен Байменовке алғыс жарияланады.
65 жастағы әже 80-дегі қариядан сәби сүйді
Айта кетсек, былтыр пойызда он нәресте жарық дүние есігін ашқан.
Дереккөз: https://sputniknews.kz/
