Шығыс Қазақстандағы тауда Ресей азаматы құтқарылды

Альпинист әйел Белуха тауында қар көшкіні астында қалып қойған

НҰР-СҰЛТАН, 16 тамыз — Sputnik. Шығыс Қазақстан облысында құтқарушылар Белуха тауына шығар кезде қар көшкіні астында қалған Ресей азаматын құтқарды. Бұл туралы төтенше жағдайлар комитеті хабарлады.

Ресейлік альпинистер тобы Белухаға шыңын бағындыруға аттанып, 3 000 мың метрге көтерілгенде, қар көшкіні жүрген. Топ мүшелерінің бірі — 63 жастағы Тюмень тұрғынын қар ағыны алып кеткен.

Әйел адам қолын сындырып, көтпеген жарақат алады. Ми-8 тікұшағымен Шығыс Қазақстан облысы төтенше жағдайлар департаментінің тоғыз құтқарушысы аттанған, олардың екеуі – Апаттар медицинасы орталығының қызметкерлері.

«Тұман салдарынан түк көрінбей кеткенімен, әуеде барлау арқылы адамдар тобы табылды. Тікұшақ экипажы төтенше оқиға болған жерге жақын қонып, құтқарушылар әйелге жәрдем көрсетті», — дейді Құтқару жасағының басшысы Игорь Лапенлавский.

Апаттар медицинасы орталығының дәрігерлері зардап шегушіге алғашқы көмек көрсетті. Туристер өз лагеріне оралса, зардап шеккен әйел Өскемен қаласындағы ауруханаға жеткізілді.