Шығыс Қазақстанда бір үйден бір адам ғана шыға алады

0

Төтенше жағдай кезіндегі талаптарды бұзғандар және тәртіпке бағынбағандар 15 тәулікке әкімшілік қамауға алынады

НҰР-СҰЛТАН, 7 сәуір – Sputnik. Шығыс Қазақстан облысының полиция департаменті тәртіп қатаңдай түскенін мәлімдеді. Енді бір үйден бір адам ғана сыртқа шыға алады, деп хабарлады Алтайньюс.

Дүйсенбіден бастап тұрғындар қатаң түрде рұқсат қағазына сәйкес жүруі тиіс.

«Бір пәтерге немесе жер үйге бір рұқсат қағазы берілген. Дүкенге, дәріханаға немесе банк бөлімшесіне бір отбасынан бір адам ғана баруы тиіс. Сондай-ақ тұрғындардың ең жақын маңдағы нысандарға барғаны абзал. Ал бала ертіп сыртта серуендеуге тыйым салынады», – деп мәлімдеді ШҚО полиция департаменті.

Полицияның мәлімдеуінше, тұрғындар рұқсат қағазымен бірге жеке куәлігін көрсетуі тиіс. Тәртіп сақшысы азаматтың аты-жөнін белгілеп, мәліметтерді қызметтік планшетке жазып отырады. Осылайша келесі жолы полиция қызметкерлері адамның қай уақытта шыққанын біліп отырады.

Босап қалған қала: карантиндегі Нұр-Сұлтанда не болып жатыр – видео

«Төтенше жағдай кезіндегі талаптарды бұзғандар және құқық қорғау органдарының талабына бағынбағандар 15 тәулікке әкімшілік қамауға алынады», – деп түйіндеді полиция департаменті. 



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз