Шұғыл штаб Қазақстанда коронавирус жұқтырғандар саны қанша болғанын хабарлады

Соңғы мәліметтер бойынша Қазақстанда коронавирус індетінен сауығып шыққандардың саны 995 адамға жетті

НҰР-СҰЛТАН, 3 мамыр — Sputnik. Қазақстанда коронавирус инфекциясын жұқтырған тағы 20 адам тіркелді, деп хабарлады мемлекеттік комиссияның шұғыл штабы.

«Оның ішінде Нұр-Сұлтан қаласында – 4, Алматы облысында – 4, Маңғыстау облысында – 1, Қызылорда облысында – 4, Атырау облысында – 1, Ақтөбе облысында – 6», — делінген хабарламада.

Осылайша, елімізде коронавирус инфекциясын жұқтырған жалпы 3 877 адам анықталды:

• Алматы қаласы – 1278,
• Нұр-Сұлтан қаласы – 686,
• Қызылорда облысы – 214,
• Шымкент қаласы – 206,
• Атырау облысы – 175,
• БҚО – 164,
• Қарағанды облысы – 154,
• Ақтөбе облысы – 153,
• Павлодар облысы – 150,
• Алматы облысы – 149,
• Жамбыл облысы – 146,
• Түркістан облысы – 134,
• Ақмола облысы – 100,
• Маңғыстау облысы – 63,
• Қостанай облысы – 50,
• СҚО – 30,
• ШҚО – 25.

Ал коронавирус індетінен сауығып шыққандардың саны 995 адамға жетті, 25 науқас қайтыс болды.