Шерзаттың отбасы шетелге көше ме?
Марқұм Салтанат Нүкенованың ағасы Айтбек Амангелді «Азия. В центре» Youtube-арнасынаберген сұхбатында талғарлық Шерзат Болаттың отбасының шетелге көшуіне қатысты пікір білдірді, — деп хабарлайды Kznews.kz Massaget.kz сайтына сілтеме жасап.
Оның айтуынша, Шерзаттың отбасы тергеу барысында елде болады.
«Иә, өйткені оқиғаға орнында түсірілген видеолардың жарияланып кетуі қастандық болды. Біз тергеу жүргізіп жатқан барлық қызметкермен бірлесіп жұмыс істедік, алайда видео тарап кетті. Оған қоса, құзырлы органдар бұл видеоға қатысты ешқандай түсініктеме берген жоқ, бұған қатысты іс қозғалды ма, тергеу нәтижелері қандай екенін біз білмейміз. Әрине, ұлы мен үйінен айырылған Қаржаубай сол сәтте өзін сатып кеткендей сезініп, елден кеткісі келді. Бірақ олар қазір тұрып жатқан үй Шерзат қабірінен 3 минуттық жерде, яғни өте жақын орналасқан. Оларға физикалық тұрғыдан сол жерден кету өте қиын, әсіресе отбасының әйелдеріне қиын. Олар күн сайын сонда барады, мұны да ескеру керек, бұл олардың қайғысы. Сондықтан мен олармен сөйлесемін, егер олар кеткісі келсе, біз, әрине, толығымен қолдаймыз.
Егер қаржыландыру туралы айтатын болсақ, отбасы халықтан ақша жинаудан мүлдем бас тартты. Бұл олардың құқығы. Кейінірек мен отбасыға баспана сатып алу үшін халықтан ақша жинауды ойлап отырған кезде, оларға көмектесетін адам пайда болды. Қазіргі уақытта жеке тұлғалардан жылжымайтын мүлікті сатып алу туралы екі ұсыныс бар, сонымен қатар қосымша шығындарға жалпы қаржылық қолдау, соның ішінде көшу, жаңа заттар, жиһаз алып беру бар.
Отбасы көмекке мұқтаж, бірақ қазіргі уақытта көмегін ұсынатын адамдар табылды. Біз өз кезегінде осы адамдармен байланысу керек пе, оның салдары қандай болуы мүмкін екенін тексердік. Бәрі жақсы», — деді ол.
