Шерзат Болаттың ағасы өлі күйінде табылды

Талғардың шетінде 16 жасар Шерзат Болатты өлтіру ісіне байланысты ер адамның денесі табылды, деп хабарлайды Алматы облысы ПД баспасөз қызметі.

Полицияның мәліметінше, Талғар қаласының маңынан 30 жастағы ер адамның денесі табылған. Алдын ала мәліметтерге сәйкес, ол дарға асу арқылы өз-өзіне қол жұмсады.

«Қаза тапқан адам ағымдағы жылдың 4 қазанында қайғылы қаза тапқан кәмелетке толмаған Шерзат Болаттың ағасы екені анықталды. Осы факті бойынша қылмыстық іс қозғалды. Қазіргі уақытта барлық жағдайларды анықтау үшін тергеу амалдары жүргізілуде. Осы кезеңде қылмыстық сипаттағы қандай да бір белгілер анықталмады», — делінген хабарламада.

Облыстық полиция марқұм Шерзаттың отбасы барлық уақытта полицейлердің қорғауында болғанын атап өтті. Барлық уақытта марқұмның отбасына қандай да бір қауіп-қатер тіркелген жоқ.

«Күзетті жүзеге асырған қызметкерлердің түсіндірмелерінен ер адамның күзетілетін объектіден сағат 23:30-да шығып, жеке автокөлікпен кеткені анықталды. Тергеу мүддесі үшін өзге де ақпарат жариялауға жатпайды. Қосымша мәліметтер олардың түсуіне қарай ұсынылатын болады», — деп толықтырды полиция.

Тек ресми дереккөздерге сенуіңізді сұраймыз және жалған ақпаратты тарату қылмыстық жауапкершілікке дейін жауапкершілікке әкелуі мүмкін екенін еске саламыз.

фото: Tengrinews.kz