Шенеуніктер кей мамандықтағы дәрігерлерді 51 жастан зейнетке шығаруды ұсынды — Қазақстан жаңалықтары

25 мың теңге айыппұл ата-анаға баланы вакцинациядан бас тартқаны үшін салынуы мүмкін. Шенеуніктер кей мамандық бойынша медициналық қызметкерлердің зейнетке ертерек шығуын ұсынды.

Бұл туралы елордалық санитарлық дәрігер Сәдуақас Байғабылов мәлімдеді, деп хабарлайды Астана арнасы.

Оның айтуынша, норма қазір Денсаулық сақтау министрлігінде талқылануда. 

Зейнеткерлікке ерте шығуға хирургтер, реаниматологтар, акушерлер мен гинекологтар ұсынылады. Денсаулық сақтау министрлігінің ұсынысы бойынша әйелдер 51 жаста, ер адамдар 55 жаста зейнетке шығады. Ал, ол үшін БЖЗҚ қорында 9 млн теңгеден 13 млн теңгеге дейін ақшасы болуы керек. Дәрігерлер мұндай соманы жинай алмайтындарын айтады.  

Денсаулық сақтау министрлігінде тағы бір жаңалық талқыланып жатыр — балаларды вакцинациядан бас тарту үшін айыппұл салу. Әрбір вакцинация үшін ата-аналар 10 АЕК төлеуге тура келеді. Бала бала бақшаға бара алмайды.

Барлық балабақшаларда, мектепке дейінгі мекемелерге ата-аналары екпе салудан бас тартқан балаларды кіргезуге болмайды. Әрбір вакцинациядан бас тарту үшін 10 АЕК көлемінде айыппұл салу, яғни, егер ол 5 профилактикалық вакцинацияны алу керек болса, онда ол қандай да бір себептермен бас тартқанына байланысты тиісінше 5 есе асып түседі», — дейді Елордадағы денсаулық сақтау кафедрасының басшысы Садуақас Байғабылов. 

Байғабыловтың айтуынша, бала 16 жасқа дейін  13 екпе алуға тиіс. Егер бұл норма бекітілсе, онда Нұр-Сұлтандағы 450 ата-анаға айыппұл салынады. Қазір бұл мәселе талқылануда.