Шавкат Мирзиеев «Жыл адамы» атанды

0
101

Өбекстан президенті Шавкат Мирзиеев «жыл адамы» атанды.

Азия журналистер ассоциациясының тұжырымы бойынша, Шавкат Мирзиеев «саясаткер» номинациясында «Жыл адамы» атағын жеңіп алған. «The Korea Times» мәліметінше, «Жыл адамын» таңдауға қатысқан адамдардың басым көпшілігі Мирзиеевты «Орталық Азия елдерінің қарым-қатынасын жақсарту арқылы бейбітшілік пен тұрақтылыққа теңдесі жоқ үлес қосуда» деп есептейді.

Мирзиеевтан бөлек, «Жыл адамы» номинациясын «LG Group» компаниясының құрметті төрағасы Ку Бон Му, мысырлық кардиохирург Магди Хабиб Якоб және футболдан Вьетнам ұлттық құрамасының бас бапкері Пак Хан Со жеңіп алған.

Жеңімпаздарды марапаттау рәсімі 2019 жылдың көктемінде Азия журналистер ассоциациясының бас ассамблея отырысында болады.

«The Qazaq Times»