Семейліктер ата-анасы жоқ қызға екі жарым млн теңгеге үй алып берді — новости Казахстана
7 желтоқсан күні Семейдегі Мұхтар Әуезов атындағы педагогикалық колледж ұжымы ата-анасының қамқорлығынсыз қалған қызға бір бөлмелі пәтердің кілтін сыйға тартты деп хабарлайды Алтайньюс.
Назеркеге клітті табыстау сәті. Фото: Алтайньюс
Бағасы 2 млн 700 мың теңге тұратын баспана Семейдің Шығыс кентіндегі көпқабатты үйлердің бірінде орналасқан.
Қомақты қаражатты жинау үшін колледждің барлық қызметкерлері Назеркенің жеке шотына бір күндік жалақыларын аударыпты.
Назерке Қостаева аталмыш оқу орнын былтыр ғана «Педагог-ұйымдастырушы» мамандығы бойынша бітірген. Ол оқып жүргенде колледждің жатақханасында тұрыпты.
