Санжар Боқаев: “Партияны тіркеу үшін 20 мың қол керек, ал мемлекет тіркемеуге 20 мың себеп табады”

Санжар Боқаевтың бастамасымен құрылған “Намыс” партиясының мақсат, мүддесі көпшілікке таныстырылды. Боқаев маңызды әрі Жаңа Қазақстан құруға керек реформаларды атап, жұмыс жақын арада қызу басталатынын жеткізді, деп хабарлайды kznews.kz сайты.

Алайда, ол партияны тіркеу үшін 20 мың қол керек екенін, бірақ біздің мемлекет тіркемеудің 20 мың себебін табады деп тілге тиек етті.

“Жақын күндері біз құжаттарды ОСК-ға тапсырып, ҚР заңнамасына сәйкес тіркеу рәсімін бастаймыз.

Екі айдан кейін біз партияның мобильді қосымшасын ұсынамыз, өйткені «Намыс» партиясы — бұл цифрлы платформа”, — деді ол.