«Сайлау өтті, бітті. Сол баяғы нұротандық» – Мұхтар Тайжан

Қоғам белсендісі Мұхтар Тайжан сайлау туралы жазба қалдырды.

– «Сайлау» өтті, бітті. Сол баяғы нұротандық номенклатура қитурқы жолымен өз жылы орындарын сақтап қалды. Біз болсақ халыққа шындықты жеткізіп отырдық, бізге қандай қысым, қаралау науқаны жасалмаса да. Сол үшін халқымыз алдында арымыз таза.

Өмір әлбетте жалғасуда, біз ағартушылық, әшкерелеу және көз ашу жұмысымызды жалғастырамыз. Ақты ақ, қараны қара деп айта береміз. Бұл жұмыстың нәтижесі қазір де аз емес деп санаймын. Ал түбі біздің халық жеңеді деген сенімім мол! Оған ешқашан күмәнім болған да жоқ!, – дейді Мұхтар Тайжан.