Сағынтаев «Халық Аренадағы» аурухананың орналасуын түсіндірді
Алматы әкімі Бақтыжан Сағынтаев Halyk Arena мұз сарайын аурухана ретінде не үшін пайдаланылатынын түсіндірді.
Онлайн-брифинг барысында әкім мұз сарайының ғимараты қосымша төсек орындарын орналастыруға қолайлы екенін айтты.
«Басында неліктен спорт аренасы деген сұрақ туындайды? Жақсы дайындалған, желдетудің барлық қажетті стандарттары бар. Біз қазір оттегіне қол жетімділікті қамтамасыз етудің барлық мәселелерін пысықтадық. Өзіміздің реанимациямыз болады. Бұл аурухана қажетті медициналық жабдықтармен қамтамасыз етіледі», — деді Сағынтаев.
Ол таңдаудың тағы бір критерийі — бөлменің үлкен аумағы екенін қосты.
«Егер біз өзімізді жан-жаққа шашыратып жіберетін болсақ, онда медициналық қызметкерлер жетіспей қалады», — деді әкім «Халық Аренадағы» төсек орындарын 1000-ға дейін көбейту жоспарланып отырғанын айтып.
Бұған дейін қалада коронавируспен күресуге 4232 төсектік 19 аурухана қатысқандығы туралы хабарланған болатын. Сондай-ақ, психикалық денсаулық орталығының базасында қосымша 150 орын және урология ғылыми орталығының базасында 150 орын ашу жоспарлануда.
