Ронда Роузи рестлингтен кетіп, ММА-ға оралуы мүмкін – Спорт

0
87

UFC даңқ залының мүшесі Ронда Роузи алдағы бірнеше айда рестлингтен кетуі мүмкін, – деп хабарлайды BJ Penn басылымы.

Әйелдер арасында WWE чемпионы атанғанына қарамастан, Роузи 7 сәуірде өтетін Wrestlemania 35 турнирінен кейін, ұйымнан кетуі мүмкін.

Wrestelmania 35 ұйымынан кейін ол ММА-ға қайтып оралуы да мүмкін, болмаса спорттық мансабын аяқтайды. Басылым мәліметінше, Ронданың ММА-ға қайтып келуі екіталай. Бәлкім ол үзіліс алып, WWE ұйымымен жаңа келісімшарт жасасуы да ғажап емес.

31 жастағы Роузи аралас жекпе-жекке ауысқанға дейін дзюдомен айналысқан. Бейжің-2008 Олимпиадасында ол 70 келіге дейінгі салмақта қола медальді жеңіп алған еді.

Дереккөз: https://kaz.tengrinews.kz