Ресейлік Wildberries компаниясы Қазақстаннан 30 жылға салықтан босатуды талап еткен

0

Ресейлік Wildberries компаниясы оны Қазақстанда 30 жылға салықтан босатуды және қазақстандық нарыққа шығу үшін қоймалар салуға көмектесуді талап еткен, — деп хабарлайды Kznews.kz порталы Protenge.kz телеграм арнасына сілтеме жасап.

«Брендтің келуі біз үшін үнемі тиімді бола бермейді. Мысалы, Біз Wildberries компаниясымен бірнеше жыл бойы әртүрлі деңгейлерде келіссөздер жүргіздік. Алғашқы келіссөздерде Wildberries 30 жылға салықтан босатуды, сондай-ақ қоймаларды салуға көмектесуді талап етті. Әрине, біз оған келіспедік. Неліктен біз шетелдік компанияға тегін қоймалар салып, салықтан 30 жылға босатамыз, ал отандық компанияларға босатпаймыз? Сондықтан wildberries шағын қоймаларда жұмыс істейді», — дейді Сыртқы істер министрінің орынбасары Алмас Айдаров.

Фото: secretmag.ru