ресейлік сарапшы өз бағасын берді

0

Әлемде

Қысқа сілтеме алу

2 0 0

Пентагон Түркия президент Режеп Тайып Ердоғанның американдық әскери базаларды жабуға қатысты сөзіне үн қатты. Sputnik радиосына сұхбат берген сарапшы Владимир Фитин екі жақтың ұстанымына баға берді

НҰР-СҰЛТАН, 17 желтоқсан – Sputnik. Анкараның американдық әскери базаларды жабу туралы мәлімдемесінен кейін Пентагон Түркиямен арадағы қарым-қатынасты сақтап қалуға күш салып жатыр. Бұл туралы РИА Новости ақпарат агенттігіне осы ведомствоның өкілі хабарлады.

Бұған дейін Түркия президенті Режеп Тайып Ердоған АҚШ-тың санкциялары енгізілсе, Инджирлик пен Кюреджиктегі әскери базаларды жабатынын мәлімдеген болатын.

«Біздің Түркиядағы әскери күштеріміздің мәртебесі — екі жақты ондаған жылдардың жұмыс нәтижесі. Бұл біздің НАТО-дағы одақтасымыз әрі стратегиялық әріптесіміз Түркияның өзін қорғауға көмектесуіміздің символы іспетті… Министрлік осы қарым-қатынасты сақтап қалуға күш салып келеді. Сонымен қатар, біз С-400, Сирия және тағы басқа келіспеушіліктері бар мәселелер бойынша Түркиямен конструктивті саясат жүргізуге әзірміз», — дейді Пентагон өкілі.

Тағы оқыңыз: АҚШ-тың санкциясына Түркияның жауабы қандай болмақ

Түркияның Адана провинциясындағы Инджирлик әуе базасын АҚШ-тың әскери әуе күштері қолданып келеді.

Ал Малатья провинциясындағы Кюреджик ауданында радиолокациялық база орналасқан.

Зымыран шабуылын анықтайтын бұл база НАТО-ның бірыңғай қорғаныс жүйесіне кіреді.

Sputnik радиосына сұхбат берген Ресейдің стратегиялық зерттеулер институтының сарапшысы Владимир Фитин Анкара мен Вашигтонның текетіресі көптен бері жалғасып келе жатқанын жеткізді.

«АҚШ-тың Түркияға қарсы күресі көптен бері жалғасып келеді. Негізгі мақсат — оны НАТО-ның бірыңғай коллонасына қою. Сонда Түркия жеке мүддесін ашық айта алмайды. Енді, кімнің жүйкесі тез тозады, жағдай солай қарай өзгереді. Бірақ таразының екі жағында екі түрлі нәрсе тұр. Бір жағынан американдықтар Түркия Вашингтонның нұсқауына толығымен бағынса екен дейді. Ал екінші жағынан олар Түркияның әскери күші НАТО-да екінші орында екенін жақсы түсінеді. Ол ұйымның шығыс қапталын қамтамасыз етіп отыр», – дейді Фитин.

Тағы оқыңыз: АҚШ-тың жаңа зымырандары әлемге қандай қауіп төндіреді?

Айта кетейік, биыл Ресейдің заманауи әуе-зымыран қорғаныс кешені — С-400 Түркияға тасымалданады дегеннен бастап Анкара мен Вашигтонның қарым-қатынасы шиеленісе түсті. 

АҚШ осы келісімнен бас тартуды талап етті. Соның орнына америкалық Patriot кешенін алсын деді.

Әйтпесе, F-35 жойғыш ұшақтарды мүлдем жеткізбейміз деп мәлімдеді. Оған қоса, санкция енгізетінін айтты. Анкара оған келіскен жоқ.



sputniknews.kz