Ресейдің Қытайдағы лагерьлерге қатысты ұстанымы қандай?
Қысқа сілтеме алу
Ресей министрі Қытайдың оқыту лагерьлері мен осы елдің саясатын қаралайтын ақпарат шетелден таралады деп санайды
НҰР-СҰЛТАН, 9 қазан – Sputnik. Қазақстанға ресми сапармен келген Ресейдің сыртқы істер министрі Сергей Лавров Қытайдағы оқыту лагерлеріне қатысты пікір білдірді, деп хабарлайды Sputnik Қазақстан тілшісі.
«Біздің ұстанымымызды бәрі жақсы біледі. Біз оны БҰҰ-ның адам құқықтары жөніндегі кеңесінің отырыстары аясында талай рет айтқанбыз. Осы кеңесте жыл сайын шолу жасау процедурасы бар. Ондай шолулар әрбір мемлекетке қатысты жасалады. Сол кезде Қытай бірнеше рет түсініктеме берген», — деді Лавров Қазақстанның сыртқы істер министрлігінде өткен баспасөз мәслихатында.
Ресей министрі Қытайдың оқыту лагерьлері мен осы елдің саясатын қаралайтын ақпарат шетелден таралады деп санайды.
Тағы оқыңыз: Қытай елшісі Шыңжаң «лагерьлеріндегі» шынайы ахуалды айтып берді
«Бізде Біріккен ұлттар ұйымы аясындағы процедуралардан басқа шара жоқ. Мен ол туралы айтып өттім. Ол — адам құқықтары жөніндегі кеңестің отырыстары», — деді Лавров.
sputniknews.kz
