Ресей халқы Нұр-Сұлтан атауын құптамайды – сауалнама

0
103

Респонденттердің 31 пайызы Назарбаев отставкаға жасына байланысты кетті деп санайды.

Ресейліктердің үштен бірінің астамы – 38 пайызы Қазақстан астанасының атауы Қазақстанның Тұңғыш президенті Нұрсұлтан Назарбаевтың құрметіне Нұр-Сұлтан деп өзгеруін құптамай, теріс пікір білдірді, деп хабарлайды РИА Новости.

Жалпыресейлік коғамдық пікірді зерттеу орталығының (ВЦИОМ) сауалнамасы осындай нәтиже берген екен.

Сауалнамаға қатысқандардың 43 пайызы бұл жаңалыққа немқұрайды қарайтынын жеткізсе, тағы 17 пайызы Астана атауының өзгеруін құптап шықты.

Респонденттердің 31 пайызы Назарбаев отставкаға жасына байланысты кетті деп санайды. Қазақстанның Тұңғыш президенті биыл жазда 79 жасқа толады.

Ресейліктердің жартысы республикада биліктің ауысуына селқостық танытса, 25 пайызы Назарбаевтың кеткеніне қынжылыс білдірді, тағы 19 пайызы бұл жаңалықты «жақсы жаңалық» деп бағалады.

Сауалнама 26 наурызда телефон арқылы жүргізілді. Оған Ресейдің жасы 18-ден асқан 1600 тұрғыны қатысты.

Telegram арнасындағы маңызды жаңалықтар «zakon.kz». Жазылу!

kaz.zakon.kz