Ресей ғалымдары «социалистік бесжылдықты» қайтаруды ұсынды

Ресей Ғылым Академиясының академиктері Абель Аганбегян мен Борис Порфирьев, сондай-ақ РҒА корреспондент-мүшесі Александр Широв «Қазіргі дағдарысты еңсеру және Ресей экономикасын дамыту жолдары туралы» баяндама дайындады, онда олар түбегейлі реформалар пакетін ұсынды.

Өсу қарқынын жылына 3-4 % дейін жеделдету үшін дағдарысқа қарсы шараларды қаржыландыруды екі есеге көбейту керек, сонымен қатар «бесжылдықта» экономикалық дамуды жоспарлауға оралу керек, өйткені ол КСРО кезіндегідей болды, дейді ресейлік ғалымдар.

Барлық шараларды қаржыландыру үшін алтын-валюта резервтерін, Ұлттық әл-ауқат қорының қаражаттарын, сондай-ақ кәсіпорындар мен азаматтардың жинақталуын пайдалану қажет дейді академиктер.

Сонымен қатар, айына 100 мың рубльден көп ақша табатын адамдар үшін табыс салығын көтеру қажет. Аз қамтылған топтар үшін бір мезгілде зейнетақыны 22 мың рубльге дейін, ал жұмыссыздық бойынша төлемдер мен ең төменгі жалақыны — 20 мыңға дейін арттыра отырып, салықтар нөлге теңестірілуі керек деп айтады ресейлік ғалымдар-экономистер.

Сонымен қатар, ресейлік академиктер ресейліктардың жылдық 8 % мөлшерлемемен алған барлық несиелерін қайта есептеуді және банктерге негізгі ставкадан 2 еседен астам мөлшерлемемен несие беруге тыйым салуды жалғастыруды ұсынады.

Ресей Президенті жанындағы академия ұсыныстарды жылы қабылдады. «Бүгінгі таңда даму ресурстарын жұмылдыру маңызды болып отыр, ол үшін мемлекеттік дағдарысқа қарсы шараларды жеке инвестицияларды тарту қажет», — дейді Владимир Климанов, ИПЭИ –РАНХиГС аймақтық саясат орталығының жетекшісі.

Басқа сарапшылар ресейлік академиктердің идеяларын сынға алды. «Он жылға жуық уақыт ішінде Ресейде 3 %-дан астам өсім болған жоқ, дегенмен, кейде сыртқы факторлар өте қолайлы болды. Оның себебі әлсіз институционалды дамуда», — дейді Антон Прокудин,  «Эксперт РА» агенттігінің жетекші маман.

Керімсал Жұбатқанов