Қызылордада «Қорқыт және Ұлыл дала сазы» Хаықаралық фольклорлық-музыкалық өнер фестивалі өтеді.
Сыр елінде 19-21 қыркүйек аралығында дәстүрлі «Қорқыт және Ұлы дала сазы» Халықаралық фольклорлық-музыкалық өнер фестивалі өтеді. Шарада Қазақстан, Әзербайжан, Өзбекстан, Қырғызстан, Англия, Ресей (Татарстан, Башқұртстан), Түркия, Қытай елдерінің, сондай-ақ ТҮРКСОЙ мен Түркі академиясының өкілдері, көрнекті ғалымдар мен өнертанушылар бас қосады.
Сондай-ақ, облыстық тарихи-өлкетану музейі мен Сырдария өзенінінің сол жалағауында орналасқан Қала тарихы музейі және «Рухани жаңғыру» орталығымен танысады деп жоспарлануда. Одан әрі Қорқыт Ата мемориалды ескерткішіне барып, Сыр елі қолөнер шеберлерінің ұлттық бұйымдар жәрмеңкесі мен «Алтыбақан» жастар ойын-сауық бағдарламасын тамашалайды.
«Қорқыт және Ұлы дала сазы» атты халықаралық фольклорлық-музыкалық өнер фестивалінің салтанатты ашылуы 20 қыркүйек күні сағат 18.00-де болады. Шараның гала-концерті және жабылу салтанаты 21 қыркүйекте сағат 16.00-де Қорқыт Ата мемориалды кешенінде өтпекші.
