Қызылорда облысында автобус аударылды: бірнеше адамның мәйіті табылды
Оқиға
Қысқа сілтеме алу
Алдын ала мәлімет бойынша, 15 жолаушы зардап шекті, трагедия болған жерде апаттан құтқару жұмыстары жалғасып жатыр
НҰР-СҰЛТАН, 3 желтоқсан — Sputnik. Қызылорда облысында 50 адам мінген автобус аударылып кетті, төрт адамның мәйіті табылды, деп хабарлады төтенше жағдайлар комитетінің ресми өкілі Нұрсұлтан Нұрахметов.
3 желтоқсан күні Қызылордадан 85 километр жерде көктайғақтан жүргізуші рөлге ие бола алмаған. Автобус жолдан шығып кетіп, төңкеріліп қалған. оқиға таңғы сағат 05:25-те болған.
«Сағат 07.56-дағы мәлімет бойынша, оқиға орнында төрт адам қаза болды, зардап шеккен 15 жолаушы автобустан шығарылды. Құтқарушылар апаттан құтқару жұмыстарын жалғастырып жатыр», — деп атап өтті Нұрахметов.
sputniknews.kz
