«Қызыл раушан» әнімен танылған Ұланғасыр Қамиев Орта Азияның үздік хитмэні атанды (видео)

«Қызыл раушан» әнімен танылған әнші Ұланғасыр Қамиев Қырғызстанда «Орта Азиядағы жылдың үздік хитмэні» атанғанын айтып, қуанышты жаңалығын желіде бөлісті, деп жазады Kznews.kz тілшісі.

«Қырғыз еліне келгендегі себебіміз, жыл сайын Бішкек қаласында Орта Азия мемлекеттерінің арасында жылдың үздіктерін таңдап, марапаттайтын үлкен іс-шараға «Орта Азиядағы жылдың үздік хитмэні» атағын алуға келген едік. Өнерімізді, шығармашылығымызды, еңбегімізді бағалап, құрметке лайық деп тапқан баршаларыңызға үлкен рахмет! Марапатты қырғыз елінің примадоннасы Роза Аманованың қолынан алу бұйрған екен», — деп жазды әнші Instagram парақшасында. Әлеуметтік желіде әншінің тыңдармандары оны марапатымен құттықтап, «Бәрекелді, құтты болсын!», «Биікке самғай бер!» «Жарайсың», — деп жылы лебіздерін жазуда. Сондай-ақ өнер иесі өзін марапаттаған сәттің, сонымен қатар қырғыз еліне келіп, қошеметке бөленген сәттің видеосын желіде жариялады.