Қытайдан қазақстандықтарды эвакуациялауға тағы екі рейс жіберіледі

0

Қоғам

Қысқа сілтеме алу

0 0 0

Қазақстанның Қытайдағы елшілігі Уханьдағы азаматтардың жақын күндері эвакуацияланатынын хабарлады

АЛМАТЫ, 5 ақпан – Sputnik. Қазақстанның Қытайдағы елшілігі коронавирустың кең таралауына байланысты Бейжің және Шанхай қаласынан Қазақстан азаматтарын эвакуациялау үшін қосымша рейс ұйымдастыру мәселесін талқылап жатыр. Бұл жайында елшіліктің сайтында хабарланды.

Мәлімдемеге сүйенсек, Қазақстан өз азаматтарын мемлекет қаржысына алып келеді.

«Елшіліктің ресми сайты мен «WeChat» парақшасында жарияланған ақпарат пен хабарламаларды қадағалап отыруға шақырамыз», – делінген хатта.

Сондай-ақ, азаматтарды аурудың алдын алуға бағытталған қажетті шараларды сақтауға шақырды.

«Ұшу мерзімдері, уақыты және басқа да әуе рейсіне қатысты ақпарат өтініштеріңізде көрсетілген нөмірлерге қосымша жолданады», – деді Қазақстанның Қытайдағы елшілігі.

Қазақстан 80 студентті елге қайтарды

Қазақстан эпидемия ошағы Уханьнан 83 қазақстандықты, соның ішінде 80 студентті эвакуациялады. Сонымен қатар, 24 шетелдік – Қырғызстанның 18 азаматы, Беларусьтің бес азаматы және Арменияның бір азаматын Қазақстанға жеткізді.

Қырғызстандықтар арнайы бортпен Бішкекке жіберілді. Елге жеткізілген қазақстандықтар он төрт күндік карантинге алынды.



sputniknews.kz

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз