Қытайда бірнеше қуатты жер сілкінісі болды – видео

0

Әлемде

Қысқа сілтеме алу

2 0 0

Зілзаладан 11 адам ажал құшып, тағы 122-сі жарақат алды  

НҰР-СҰЛТАН, 18 маусым — Sputnik. Қытайда бірнеше рет жер сілкінді.

Алдымен 6 магнитудалы жерасты дүмпуі жергілікті уақыт бойынша сағат 22.55-те (Нұр-Сұлтан уақытымен 20:55) Ибинь қала округінің Чаннин уезінде, 40 минуттан кейін 5,1 магнитудалы жер сілкінісі сол округтің Гун уезінде болды, деп хабарлады РИА Новости.

​Қытайдың оңтүстік батысындағы Сычуань провинциясында 5,3 магнитудалы жер сілкінісі қайталанды.

Қытайдың орталық телевидениесі 11 адам қаза тапқанын жергілікті билікке сілтеме жасап хабарлады, зардап шеккендердің саны 122 адамға жеткен.

Зілзала ошағы 17 километр тереңдікте болған.

Сычуань провинциясы Қытайдың едәуір сейсмикалық қауіпті өңірлерінің бірі саналады, мұнда зілзала жиі болады.

Тағы оқыңыз: Жапонияда екі жойқын жер сілкінісі болды

Соңғы онжылдықта мұнда 2008 жылы жойқын жер сілкінісі болды, ол кезде қаза болғандар мен із-түзсіз жоғалғандар 87 мың адамнан асты, 374 мың адам жарақат алған, миллиондаған адам баспанасыз қалды.   



sputniknews.kz