Қырғызстанның бұрынғы бас прокуроры қамалған

0

Қырғызстанда 3 маусымда елдің бұрынғы бас прокуроры Аида Салянова қамауға алынды. Парламент депутаты Алмамбет Шыкмаматовтың сөзінше, дүйсенбі күні Аида Салянова қылмыс әлемінің атышулы өкілі Азиз Батукаевты түрмеден заңсыз босату туралы тергеуге кіргеннен кейін қайта шықпаған.

Соның алдында тергеушілер Аида Салянованы бұрынғы әскери прокурор Майрамбек Акматалиев пен бас прокурордың орынбасары Людмила Усмановамен беттестірген.

Бұған дейін Азиз Батукаевтың түрмеден заңсыз босап шығуын зерттеген уақытша депутаттық комиссия осы іске қатысы бар деген күдікке іліккен 28 шенеуніктің тізімін жариялаған. Тізімде бұрынғы әскери прокурор Майрамбек Акматалиев та бар.

9 апреля 2013 года Нарынский городской суд на основании заключения медиков о том, что Азиз Батукаев «страдает неизлечимым заболеванием», принял решение досрочно освободить криминального авторитета. Расследование незаконного освобождения в 2019 году привело к аресту ряда бывших высокопоставленных чиновников во главе с бывшим заместителем премьер-министра страны Шамилем Атахановым.

«Қару-жарақ пен есірткі сақтады», «жаппай тәртіпсіздік ұйымдастырды» деген айыптармен 16 жылға сотталған Батукаевты 2013 жылы Нарын қалалық соты мерзімінен бұрын қамаудан босатқан. Сот Батукаевтың жазылмас дертке (лейкоз) шалдыққаны айтылған медициналық анықтама негізінде шешім шығарған еді.

Бұл іс бойынша тергеу кезінде 2019 жылы Қырғызстанда бірқатар жоғары лауазымды шенеунік, соның ішінде премьер-министрдің бұрынғы орынбасары Шәміл Атаханов қамауға алынған.

Azattyq