Қырғызстан президентке импичмент жариялау рәсімін бастады

Қырғызстан парламентінің депутаттары ел президенті Сооронбай Жээнбековке импичмент жариялау рәсімін бастады.

«Бірқатар депутаттар бұл бастаманы көтерді (импичмент), ол күн тәртібінде қалады, бірақ әзірге тек бастамашылық деңгейде. Кейбір депутаттар қол қойды», — деді оппозициялық «Ата-Мекен» партиясының халық қалаулысы Қаныбек Иманалиев.

Оның айтуынша, бүгін 40-тан астам депутаттың қатысуымен Парламенттің жаңадан сайланған спикері Мықтыбек Абдылдаевпен кездесу өтті, онда елдегі қазіргі жағдай талқыланды. Парламентте кворум өткізу үшін 60-тан астам депутат қатысуы қажет.

Иманалиев кворум бейсенбіде өтеді деген үмітін білдіріп, «болашақ премьер-министр кандидатураларына дауыс беру процедурасын келісу мәселесі талқыланып жатқанын» айтты.

stan.kz