Құрылғы ішінде жарылған. Түрмедегілер тұтқынды су қайнатқышпен зорлап тастады

0
1853
Сурет: https://my-shop.ru/

Иркутск облысы бойынша Тергеу комитеті басқармасы тергеу изоляторында тұтқынды су қайнатқышпен зорлау фактісіне сәйкес іс қозғады.

Құрылғы жәбірленушінің денесінің ішінде жарылған.

Іс РФ ҚК 132-бабы (жыныстық сипаттағы зорлық-зомбылық әрекеттер) бойынша қаралады.

Құқыққорғаушылар қосымша денсаулыққа аса ауыр зиян келтіру, лауазымды пайдалану және куәлік етуге мәжбүрлеу бойынша іс қозғауды талап етіп отыр.

«Біз Кежик Ондарды Иркутск облысындағы СУ СК-нің 3-бөлімінің тергеушілерінің мүдделері мен тапсырысы бойынша азаптады деп күдіктенеміз, олар №15 түзеу колониясындағы тәртіпсіздік туралы қылмыстық істі тергеуде», — дейді құқыққорғаушылар.

Азаптау туралы жәбірленушінің әпкесі хабарлады. Ол бауырын ұзақ уақыт бойы тергеу изоляторындағы камераластары соққыға жығып келгенін баяндады. Сондай-ақ, ол Кежикті зорлап Иркутск маңында №15 колониядағы бүлікке қатысты деп куәлік алмақ болғанын жеткізді.

Алғашқы тәулікте аяғын сындырған, екіншісінде «су қайнатқышты артқы жағынан сұғып, тоққа қосқан» дейді Азияна Ондар.

«Түсінгенімше су қайнатқыш бауырымның денесінің ішінде жарылып кеткен. Қатты жарақат алды. Екі ота жасағанның өзінде мүгедек болып қала бермек», — дейді әйел.

Полиция азаптаудың болғанын растап, 29 жастағы азаматтың «байқаусызда» зиян шегіп қалғанын мәлімдеді.

1$, 5$, 10$ ... Тәуелсіз KzNews жобасына қолдау көрсету