«Құбыжыққа айналар еді»: Әкесі туған балаларын атып тастады

АҚШ-тың Калифорния штатының полициясы екі баласын өлтірді деген күдікпен олардың 40 жастағы әкесін ұстады. Бұл туралы Stan.kz ақпарат агенттігі CNN-ге сілтеме жасап хабарлады.

Санта-Барбара қаласында 40 жастағы серфинг мұғалімі Мэтью Тейлор Колеман екі жасар ұлы мен бір жасар қызын өлтірді деген күдікпен ұсталды.

«Менің әйелімнің гендері мутацияға ұшырағандықтан, балалар құбыжыққа айналып кетуі мүмкін еді», – деп ер адам өз әрекетін түсіндірді. Ол балаларды Мексика аумағына апарғанын, оларды аң аулайтын мылтықпен атып, содан кейін мәйіттерін жасырғанын айтты. Жақын арада ол сотқа келуі керек.

Калифорния құқық қорғау органдарына балалары мен күйеуінің жоғалғаны туралы әйелі хабарлаған. Ол күйеуінің қоңырауларға жауап бермегеніне алаңдаған. Полиция Колеманның Мексика шекарасынан өткенін анықтады. Олар мексикалық әріптестеріне берді. Қылмыскер АҚШ аумағына кірген кезде ұсталды.

Белгілі болғандай, ер адам қастандық теориясына бұрыннан қызыққан.

«Мен бұл дұрыс емес екенін білдім, бірақ бұл біздің әлемді құтқарудың жалғыз жолы болды», — деді Колеман.

Калифорния полициясы қастандық теорияларын ұстанушылардың агрессивтілігі туралы дабыл қағуда.